By november 12, 2012 9:36 am Lees verder →

Dialect: Prinsebal 2012 in Mofert zaoterdig 17 november 2012, vanaaf 20.30 oere Bie de Vogel

Mofert – Dao is ‘nen tied van kómme, en ‘nen tied van gaon. En veur Prins Thijs II is de tied van gaon bienao gekómme. Op zaoterdig 17 november 2012 zal Thijs officieel de gesjiedenisbeuk ingaon es aad-prins Thijs II. Of hae opgenómme wuuertj bie de aad-prinse, det kóntj geer zeen es geer uch eine kómp drinken op ’t Prinsebal.

Daen aovendj wuuertj natuurlik ouch bekèndj waem de nuje veurgenger in ’t vastelaovessezoen 2012-2013 zal waere. Kandidate genóg dit jaor, zów me zègke. Dennis Zeelen en Sjors Peeters staon hoeag genoteerdj bie de bookmakers dit jaor. Stefan Coenen, de topfavoriet dae ’t de lèste jaore neet waormaakdje, is get gezak inne peilinge. Kristian van Pol, Erik Clout en Roger Ticheler zeen gevieërlikke outsiders. Of waat dach geer van Johnny van Pol, of Mario Roijakkers? Daobie kump nans det d’r ‘ne hieëlen houp nuuj men bie de Raod van Èlf zeen vanaaf dit sezoen. Misjiens geit Frank Niessen, Bob van Ophoven of Levi Meuwissen waal veur ’n onvergaetelik debuut es Prins. Of zal d’r ’n unicum plaatsvinje in Mofert en volg Paul Pouls ziene broor op es Prins? Misjien geit D’n Uul van den Grauwert waal weer veur ‘ne prins van boete de vereniging…

Wiltj geer weite waem ’t wuuertj? Kóm op zaoterdig 17 november 2012, vanaaf 20.30 oere nao de zaal Bie de Vogel en geer witj waem ’t is!



Posted in: Geen categorie