By december 7, 2014 12:00 pm Lees verder →

L1 zendt Alternatief LVK niet meer uit

Roerdalen – Op de site van L1 in de rubriek staat dat de organisatie van het ALVK 2015, het Alternatief LVK, ofwel de verkiezing van het allerslechtste Limburgse vastelaovesleedje, heeft totaal geen begrip voor het besluit van de hoofdredactie van L1 om het ALVK net meer uit te zenden op de radio. De Auwt Prinse van Susteren, winnaars van 2014 en dus organisatie van het ALVK 2015, zit met de handen in het haar. Zo blijkt uit onderstaand persbericht. Ze kondigen aan dat het ALVK sowieso door zal gaan en wel op zaterdag 24 januari 2015 in een mega varkensstal in aanbouw in Susteren. Gezocht wordt nog naar twee stopcontacten.

Auwt Prinse Zöstere, mit de henj in het haor!

Door ein bienao terloups vermeldj berich van de Hoofdredactie van L1 op de site “L11alaaf” zeen de Auwt Prinse Zöstere al ruum ein waek totaal mörg gesjlage. Zelfs noe ze enigszins van den ieëste sjrik bekomme zeen vilt het hun nog zwaor om hun teleursjtelling onger weurt te brenge.

Nao hun glorieuze euverwinning bie de verkeezing van het allersjlechste vastelaovesleedje in 2014, hauw L1 mit de Auwt Prinse aafgesjpraoke det zie zörg zoewe drage veur de organisatie van het ALVK (Alternatief Limburgs Vastelaovesleedjes Konkoer) in 2015. De Auwt Prinse höbbe vervolges koste nog meujte getrueës en zeen vaort begoos mit de organisatie. Volges Veurzitter Ed Pörteners zeen ze noe nog sjlechs bezig mit de bekende letste luedjes die door de vlekkeloze organisatie neet ens mieë zoa zwaor wore.

Het woor den auch wie eine dondersjlaag bie heldere hemel wie ze bie toeval via ein berichske op l11alaaf mooste laeze det L1 het ALVK in 2015 neet mieë wilt oetzende.
Volgens Pörteners is det totaal onbegriepelik. “Weer zeen vaort nao de vastelaovend begoos mit de organisatie. L1 haet aangegaeve het evenement in 2015 in eine echte verkessjtal te wille hauwte. Om aan dae wunsj tegemoet te komme is begoos mit den aanlegk van de allerieëste megasjtal van gans Limburg. Dees accommodatie is naogenog vaerdig. Auch veur de res is alles geregeld. Het is onversjtelbaar det de hoofdredactie van L1 noe enigszins nonsjalant lieët wete geine zendtied besjikbaar te sjtelle veur het evenement”.

Auch de redene veur dit besjloet kenne neet op begrip van de organisatie raekene. Pörteners verteld det in het berich van L1 sjtuit det “de overvolle vastelaoveskalender” ein van de redene is. “Nou dae kelender is net zoa vol wie anger jaore, allein is alles get korter opein geplend” volges Pörteners. Auch het argument det sjlech neet mieër sjlech zoe zeen wurdt neet herkend. “Der zoewe oetgekaokte jônges zeen die mit trucs ein sjlech nummer zoewe make”. “Die men zeen weer nog noaijt op ein ALVK taege gekomme, de deilnummers höbbe gein trucs nuëdig om sjlech te zeen” aldus Pörteners.

De Auwt Prinse laote zich echter neet gans oet het veldj sjlaon. “Auch zonger L1 geit het ALVK wie den auch door” aldus de veurzitter. De datum sjtuit vas: op 24 januari zal het ALVK in Zöstere gehauwte waere. “Weer haope det L1 nog zal truukkomme op hun besloet. Mer auch es det neet zoa is, het ALVK geit wie den auch door. Onkroet vergeit neet” besluit Pörteners zien betoog.

Noteer dus alvas op de kelender: 24 januari, ALVK Zöstere!! Nadere info volg.



Posted in: roerdalen