By september 26, 2011 7:17 am Lees verder →

Op zeuk nao de “Vrouwe zónger kop” in Mofert op 30 september nach-wanjeling

Mofert – De legende vanne ”Vrouwe zónger kop” is ein van de väöle volksverhaole waat spele rónjelóm Kestieël Mofert. Deze en nag mieë van dees griezelverhaole staon centraal in `n aantal nachtelike wanjeltochte, waat door Stichting Kasteel Montfort georganiseerd waere. De ieëste van dees ”volksverhaoletochte” ware op donderdig 21 juli ,9 en 18 augustus en de letste op 30 septemberas

Mit name heemkènner Hannes Kempkens en dialekdeskundige Pierre Bakkes höbbe inne loup vanne veurige ieëw väöl van dees verhaole verzameldj en opgesjreve. Aafgeloupe wintjer waerdje hie-euver al – vanwaege de belangstèlling – neet ein, meh twieë laezinge gehaje inne Jachtore.

Tiedens de wanjeltoch maaks se ouch kènnes mit ‘Wilje Mienes’, de Boedebaer enne Vuurman. De toch begintj op `t Kestieël en geit euveren Hoesdiek, langs de Galgeberg, via `t Reigelsbrook ennen Erks nao d’n Duvelsbaanj en dan weer truuk nao `t Kestieël. D’n aanvang is 22.00 oere doert toet óngevieër middernach. De toch is veur ederein vanaaf 10 jaor. Minderjäörige kinjer motte ónger begeleiding van `ne volwassene kómme.



Posted in: roerdalen