By februari 2, 2012 7:30 am Lees verder →

Prins Driek I regeert in Vlodrop als prins 2012 van de Beerbuk (was al ooit prins in Asenray)

Vlodrop – Oppe Bonte Aovend zaterdag jl van het Vlorper Beerbokke Riek is oetgerope en geproklameerd: prins Driuek I (Thegels) (foto). Hae zal veur gaon op de waeg van sjpas en plezeer, getroew aan zien prinselikke motto:
“Allein ein sjaop waert twee keer Prins”, samen mit de adjudanten Roland en Mark en Tanzmarieche Gwenny en Amber. Hae was al eens prins in Aezeroa
Driek is op 12 november 1952 es Kater gebaore in Azerao, es eerste én dus awste zoon van Bart van Driekske van Sjuurehaof en Lien van Sef van Zjwarte Hannes. Same mit zien 6 anger breurs en zösters is hae grootgebrach op Thuserhaof aanne Sjtraot in Azerao.
Begin jaore ’70 vanne veurige eeuw, kwaam hae tiedes ein oetsjtepke vanne KPJ in Roostere, Jet taege wo hae mit aanne kal raakde. In 1975 zeen Driek en Jet in Azerao getrouwd en neet väöl later zeen zie verhoes nao Vlorp, wo zie noe häöre dreij gevonge hebbe oppe Berkelaan. Ouch Driek en Jet hebbe ’t laeve gesjonke aan häöre zoon, Mark, en häör dochter Anke.
Driek haet nao de legere sjool letterlik en figuurlik op de HBS-B in Remung gezaete. Aangezeen al det theoretisch geneuzel nieks veur hem woor, haw hae ’t hie sjnel gezeen en maakde de euversjtap nao de MTS, wo hae de richting Boekunde gevolg haet. Nao zien sjtudietied is Driek ’t leger ingegange, wo hae de hoog here vanne sjtaf verzorg haet.
Op 1 maart 1977 is hae, same mit Jet, de oetbater gewaore van kefee ’t Trefpunt, dao wo noe de Sjlieter is. Oeteindelik hebbe zie op 1 mei 1987 de euversjtap gemaak nao de Roerhal, dao wo zie toet op vandaag nag sjteeds te vinge zeen. Dit beteikent det in mei ein groot fees zal zeen!Naeve ’t geweune werke, det hae Jet väölal leet doon, haet Driek ouch grote politieke aspirasies en ambisies. Sinds 1988 bedrief hae de politiek names ’t CDA en haop hae ’t oojt nag zo ver te sjöppe wie zien grote veurbeelde Jan-Peter en Chrit! De letste jaore zit hae same mit John, sjteevas inne raod, om de Vlorper luuj zo good es ’t kin bie te sjtaon.
Ouch Driek is geine onbekinde mit en in de carnaval. In ’67-’68 is Driek same mit Marietje ‘t 2de Jeugprinsepaar vanne Zolderratte gewaes. In 2003 is Driek same mit Lia, in Vlorp ’t Boerebroedspaar gewaes. In 2005 is hae de Nachtegale oet Azerao veurgegange es Prins Driek I. Bie dees vereniging is hae ouch sinds jaor en daag ceremoniemeister oppe resepsie. Verder kint ´t gein toeval zeen, Driek is ’t 111de lid van os vereniging!

De hobbies van Driek zeen biljare, op de tractor rieje, boere en natuurlik sjtraevele, kwaake en alles baeter weite.



Posted in: Geen categorie